حكم النقاب للمسلمة

من طرف **غنج أنثى** الخميس ديسمبر 07, 2023 4:30 pm

واحد بيقول لصاحبه
الملتزم شوفت البنت
اللي هناك دي زي القمر ما شاء الله عليها
فرد الملتزم : وانت عرفت ازاي ؟ دي محجبة !!
فقاله شوفت وشها..
فقال الملتزم : معنى كلامك ان وجه المرأة زينة ؟؟
فرد عليه وقاله : آه طبعاً
فقاله :قال الله عز وجل "ولا يبدين زينتهن"
رد باستغراب : تقصد ايه يعني !!!!!
قاله : اقصد اللي انت فهمته
فرد عليه: لاياعم النقاب مش فرض...
وبعدين هيكون فرض ازاي وفي الحج والعمرة مينفعش يتلبس ؟؟
فقاله : انا هسألك سؤال
دلوأتي لما انا اقولك لا تشرب في نهار رمضان يبقى الاصل ايه في باقي الايام ؟؟
فجاوب : الاصل اني بشرب الا في نهار رمضان
فقاله طيب سؤال تاني ...
لما النبي صلى الله عليه وسلم يقول لا تنتقب المحرمة ولا تلبس القفازين يبقى الاصل ان غير المحرمة ايه ؟؟
قاله تنتقب
فقاله الملتزم : انت اللي قولت مش انا
وقاله السيدة عائشة -رضي الله عنها- قالت: (كنا مع النبي -صلى الله عليه وسلم- ونحن محرمات إذا دنا من الركبان سدلت إحدانا جلبابها على وجهها -أو قالت خمارها على وجهها-، فإذا بعدوا كشفنا)
وقال الله عز وجل " يا أيها النبى قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين "
ركز معايا "ذلك أدنى أن يعرفن فلا يؤذين "
نسأل الله أن يهدينا لما اختلف فيه من الحق بإذنه إنه يهدى من يشاء إلى صراط مستقيم
ريم هاشم