(الفراخ بالخضار) فى الفرن والملفوف بورق الفويل بس طعم وريحة جنان

[أشـــــــواق]

عملت من يومين كدة فراخ فى الفرن بالخضار تستاهل بقكم
فقلت اقولكم على الطريقة ويارب تعجبكم

المقادير
فرخة او ازيد زى ما تحبى انا عاملة 2

وتقطعى الفرخة على اربع قطع او زى ما تحبى
خضار مشكل الموجود عندك
انا كان عندى كوسة ........
ولوبيا خضرا ............
وزرة خضرا ..........
وطماطم ............
وبصل .............

وبطاطس................

وتقطعى كل حاجة زى ماانتى شايفة مكعبات صغيرة
وممكن لو عندك بسلة او جزر او خضارتحبية ممكن تستعملية
بس انا مكنش عندى فاستعملت الموجود
الطريقة
اول حاجة تقطعى الفراخ وتنضفيها كويس
وتكونى مقطعة الخضار
لبشرى البصلة وحمريها لحد ما تصفر

وبعدين حطى عليها البطاطس وقلبى شوية
وبعدين حطى باقى الخضار

وشوية مية وسيبية لما يستوى شوية
وطبعا تحطى الملح والفلفل والكمون
واى توابل تحبيها

ولما تستوى شوية وتنشف من المية
اطفى عليها
دلوقتى نجيب حلة ونحط فيها 3وحدات مستكة
و3وحدات حبهان ونضيف الفراخ فى الحلة
وهنا احنا هنشوح الفراخ بس مش هنسويه فى الحلة

ونحط عليها بردة فلفل وملح وكمون وشوية كارى
معلقة صغيرة من كل حاجة
قلبيها شوية وبعدين اطفى عليها
دلوقتى نجهز ورق فويل ونحط شوية خضار
وفوق منة الفراخ

ونقفل علية

وهنا حطيت الخضار فوق وتحت الفراخ

وبعدين نرصة فى صينية وندخلة الفرن ونسيبة
على نار متوسطة لحد ما يستوى

ودى قبل ما تدخل الفرن

ودى بعد ما خرجت
وهنا انا فتحت عليها شوية علشان تحمر
ودى صورة تانية

ودى سبتها زى ماهى محمرتهاش من الوش

وقدمتها مع مكرونة
والخضار حطيتة فى طبق جانبى
وسلطة طحينة